Azərbaycan Qahirədə 4-cü EDEX müdafiə və təhlükəsizlik sərgisində təmsil olunacaq
Qahirə, 29 noyabr, AZƏRTAC
Dekabrın 1-dən 4-dək Misirin paytaxtı Qahirədə 4-cü beynəlxalq Müdafiə və Təhlükəsizlik Sənayesi Sərgisi (EDEX 2025) keçiriləcək.
AZƏRTAC xəbər verir ki, sərgidə 50 ölkədən 450-dən çox şirkət öz məhsullarını nümayiş etdirəcək. Azərbaycan Müdafiə Sənayesi Nazirliyi sərgidə öz stendi ilə iştirak edəcək.
Afrika və Yaxın Şərqdə silahlanma və müdafiə sahələrində böyük tədbir sayılan sərgidə 25 ölkə milli pavilyonları ilə iştirak edəcək.
Tədbirdə 100-dən çox ölkədən rəsmi və diplomatik nümayəndə heyətlərinin iştirakı gözlənilir. Sərgidə təxminən 45000 ziyarətçinin olacağı ehtimal olunur.
Qeyd edək ki, EDEX sərgisi ilk dəfə 2018-ci ildə keçirilib.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
