AZƏRBAYCAN RESPUBLİKASI DİNİ QURUMLARLA İŞ ÜZRƏ DÖVLƏT KOMİTƏSİ MƏTBUAT XİDMƏTİNİN MƏLUMATI
Ali və orta ixtisaslı dini mütəxəssislərin hazırlanması həm ölkə daxilində fəaliyyət göstərən universitet və mədrəsələrdə, həm də bir sıra xarici ölkələrdə həyata keçirilir. Əldə olunan məlumatlar deməyə əsas verir ki, bu gün Azərbaycanda kifayət qədər savadlı dini mütəxəssislərimiz mövcuddur. Lakin onlar haqda hələ də müvafiq informasiya bazasının olmaması həmin mütəxəssislər barədə məlumatların üzə çıxarılması və sistemləşdirilməsində çətinlik yaradır.
Qeydiyyat prosesi sentyabrın 1-dən noyabrın 1-dək davam edəcəkdir. Bu müddət ərzində hər həftənin 1, 3, 5-ci günləri saat 16.00-dan 18.00-dək Bakı şəhəri üzrə Dini Qurumlarla İş üzrə Dövlət Komitəsinə (Əhməd Cavad küçəsi, 12), regionlar üzrə Dövlət Komitəsinin bölgə şöbələrinə (Gəncə şəhərində - Heydər Əliyev meydanı, inzibati bina), Quba şəhərində - Heydər Əliyev prospekti 158, Ağdaş şəhərində - 20 Yanvar küçəsi, 4, Ağcabədi şəhərində - Üzeyir Hacıbəyov küçəsi, 67, Masallı şəhərində - Qarabağ küçəsi, 20) müraciət etmək olar.
Müraciət edənlər əvvəlcə tələb olunan anket formasını dolduraraq qeydiyyata düşməlidirlər. Sonra xüsusi komissiya həmin mütəxəssislərin bilik səviyyəsini müəyyən etmək məqsədi ilə müsahibə keçirəcəkdir.
