AZƏRBAYCAN RESPUBLİKASININ PREZİDENTİ İLHAM ƏLİYEVİN RUSİYAYA RƏSMİ SƏFƏRİ
NAMƏLUM ƏSGƏRİN MƏZARINI ZİYARƏT
Azərbaycan Prezidenti İlham Əliyev fevralın 6-da Moskvada Naməlum əsgərin məzarını ziyarət etmişdir.
Dövlətimizin başçısı Moskvada Kremlin yanındakı Aleksandr bağına gəldi. Burada fəxri qarovul dəstəsi düzülmüşdü.
Prezident İlham Əliyev Böyük Vətən müharibəsində həlak olmuş sovet əsgərlərinin xatirəsinin rəmzi olan məzarın önünə əklil qoydu.
Hərbi orkestrin ifasında Azərbaycanın və Rusiyanın dövlət himnləri səsləndi.
Əklilqoyma mərasimində Rusiya dövləti və hökumətinin yüksək vəzifəli rəsmi şəxsləri və Azərbaycan Prezidentini səfərdə müşayiət edən nümayəndə heyətinin üzvləri iştirak edirdilər.
Bölmənin digər xəbərləri
