AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli İlham Heydər oğlu!
Sizi yenidən Azərbaycan Respublikasının Prezidenti seçilməyiniz münasibətilə Ukrayna xalqı adından və şəxsən öz adımdan ürəkdən təbrik edirəm.
Ümidvaram ki, Sizin Prezidentliyinizin növbəti dövründə biz dost Azərbaycanın inkişafında yeni nailiyyətlərin, beynəlxalq aləmdə ölkənin nüfuzunun daha da yüksəlməsinin və ölkələrimiz arasında əməkdaşlığın möhkəmlənməsinin şahidi olacağıq.
Azərbaycanla strateji münasibətlərin inkişafı Ukraynanın xarici siyasətinin ən mühüm prioritetlərindən biridir.
Azərbaycan və Ukraynanı, Sizin bu ilin may ayında baş tutan səfərinizdən sonra daha da möhkəmlənən səmimi münasibətlər bağlayır. Mən ölkələrimiz arasında ənənəvi dostluq və qarşılıqlı surətdə faydalı əlaqələrin daha da möhkəmlənməsi naminə Sizinlə gələcəkdə də sıx əməkdaşlığa ümid edirəm. Çünki əminəm ki, iktərəfli strateji əməkdaşlığın daha da dərinləşməsi xalqlarımızın uzunmüddətli maraqlarına xidmət edir.
Fürsətdən istifadə edərək, Sizə möhkəm cansağlığı, uğurlar və firavanlıq, dost Azərbaycan xalqına isə Sizin rəhbərliyiniz altında inkişaf, əmin-amanlıq və rifah arzu edirəm.
Dərin hörmətlə,
Viktor Yuşşenko
Ukraynanın Prezidenti
Bölmənin digər xəbərləri
