AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli İlham Heydər oğlu!
Azərbaycan Respublikasının Prezidenti vəzifəsinə seçkilərdə Sizin inamlı qələbəniz münasibətilə ən səmimi təbriklərimi qəbul edin.
Prezident seçkilərinin nəticələri göstərir ki, Azərbaycan vətəndaşları Sizin ölkənin firavanlığına və sabitliyinə, habelə xalqın tərəqqisinə yönəlmiş siyasətinizə inanır və onu dəstəkləyirlər.
Əminəm ki, Sizin ali dövlət vəzifəsində fəaliyyətiniz Azərbaycanın dövlətçiliyi və müstəqilliyinin daha da möhkəmlənməsinə, onun beynəlxalq aləmdə nüfuzunun artmasına kömək edəcək və Azərbaycan xalqının gələcəyi naminə yeni zəfərlərlə əlamətdar olacaqdır.
Qardaş Azərbaycanın etibarlı dostu olmuş və olaraq qalan Qırğızıstan qardaş xalqlarımızın mənafeyi naminə iki ölkə arasında əməkdaşlığın inkişaf etdirilməsi üçün hər cür səy göstərməyə hazırdır.
Hörmətli İlham Heydər oğlu, ikitərəfli münasibətlərin inkişaf etdirilməsi üçün Sizinlə birgə işləməyə hazır olduğumu bildirərək, məsul dövlət vəzifəsində işinizdə Sizə uğurlar, Azərbaycan xalqına isə sülh və tərəqqi diləyirəm.
Ən xoş arzularla,
Kurmanbek Bakiyev
Qırğızıstan Respublikasının Prezidenti
Bölmənin digər xəbərləri
