AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli cənab Prezident,
Bu məktubu yenidən Azərbaycan Respublikasının Prezidenti seçilməyiniz münasibətilə səmimi təbriklərimi çatdırmaq üçün yazıram.
Azərbaycan dünyanın ən sürətlə inkişaf edən ölkələrindən biridir. Ölkə həm də vacib islahat səylərini həyata keçirir və zəruri infrastrukturun, insan kapitalının, iqtisadiyyatın qeyri-neft sektorunun inkişaf etdirilməsinə böyük resurslar yönəldir. Məmnuniyyətlə demək istərdim ki, builki “Doing Business 2009” hesabatında Azərbaycan biznes mühitinin yaxşılaşdırılması sahəsində ciddi islahatlar həyata keçirən ölkələrin sırasında birinci yeri tutmuş və son illər ərzində ölkədə yoxsulluq səviyyəsi durmadan azalmışdır.
Dünya Bankı bu səyləri dəstəkləmək üçün Sizin hökumətinizlə əməkdaşlıq etməkdən məmnunluq duyur və biz qarşıdan gələn illərdə bu sıx əməkdaşlığı davam etdirəcəyimizə ümid edirik.
Prezidentliyinizin yeni müddətində Sizə uğurlar arzulayıram.
Səmimiyyətlə,
Robert B.Zölik
Dünya Bankının prezidenti
Bölmənin digər xəbərləri
