RƏSMİ XRONİKA
AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Hörmətli cənab Prezident,
İcazə verin, Sizi yenidən Azərbaycan Respublikasının Prezidenti seçilməyiniz münasibətilə BP Azərbaycan şirkəti adından və şəxsən öz adımdan səmimi qəlbdən təbrik edim, Sizə möhkəm cansağlığı və qarşıdakı fəaliyyətiniz dövründə uğurlar arzulayım.
BP Azərbaycan şirkətinin Azərbaycandakı fəaliyyətini daim dəstəklədiyinizə görə Sizə dərin minnətdarlığımı bildirmək istərdim. Biz əminik ki, Sizin rəhbərliyiniz altında Azərbaycanda neft və qaz sənayesinin və eləcə də digər sahələrin inkişaf etdirilməsi ənənəsi davam etdiriləcək və Azərbaycanın gələcəyi ilə bağlı üzərinə böyük öhdəlik götürmüş bir şirkət kimi BP-nin bu prosesə öz töhfəsini vermək imkanı olacaqdır.
Cənab Prezident, bir daha səmimi təbriklərimi və qarşıdakı illərdə Sizə ən xoş arzularımı qəbul etməyinizi xahiş edirəm.
Ən dərin hörmətlə,
Bill Şreyder
BP Azərbaycan şirkətinin prezidenti