Azərbaycan Texniki Universiteti Sumqayıt Texnologiyalar Parkı ilə əməkdaşlığı genişləndirir
Bakı, 4 sentyabr, AZƏRTAC
Azərbaycan Texniki Universitetinin (AzTU) Karyera Mərkəzinin əməkdaşları Sumqayıt Texnologiyalar Parkının (STP) Təlim və ixtisasartırma şöbəsinin müdiri İradə Mikayılova ilə işgüzar görüş keçirib.
AzTU-dan AZƏRTAC-a bildirilib ki, görüşdə yeni təcrübə proqramlarının təşkili və əməkdaşlığın genişləndirilməsi məsələsi müzakirə edilib. Qeyd olunub ki, AzTU məzunlarının STP-də işlə təmin olunmasında geniş perspektivlər mövcuddur.
Son 2 ildə qarşılıqlı razılaşma əsasında AzTU-nun tələbələri STP-nin zavodlarında təcrübə proqramlarında iştirak ediblər. Bu baxımdan universitetin 70-dən çox məzunu hazırda STP-də fəaliyyətini davam etdirir.
Görüşdən sonra qonaqlar STP-də işləyən AzTU məzunlarının iş prosesini izləyiblər.
Bölmənin digər xəbərləri
