Azərbaycan Turizm İnstitutunun beynəlxalq əlaqələri genişlənir
Bakı, 16 sentyabr (AZƏRTAC). Azərbaycan Turizm İnstitutunun (ATİ) rektoru, tarix elmləri doktoru, professor Cəfər Cəfərov Cənubi Afrika Respublikasına səfəri çərçivəsində ölkənin öncül turizm profilli ali təhsil müəssisələrin rəhbərləri ilə görüşmüşdür.
ATİ-nin mətbuat xidmətindən AZƏRTAC-a bildirmişlər ki, Val Texnoloji və Şimal-Qərb universitetlərinin nümayəndələri ilə görüşdə turizm sahəsində kadr hazırlığına dair əməkdaşlıq məsələləri müzakirə edilmiş, mobillik, tədqiqat sahəsində əlaqələrin yaradılması barədə ilkin razılığa gəlinmişdir.
Səfərin ikinci günündə rektor Keyp Yarımadası Texnoloji Universiteti, Nelson Mandela Metropolitan Universiteti nümayəndələri ilə videokonfrans formatında fikir mübadiləsi aparmışdır. Pretoria Universiteti nümayəndələri ilə görüşdə əlaqələrin əməkdaşlıq səviyyəsinə çatdırılması qərara alınmışdır.
Bölmənin digər xəbərləri
