Azərbaycanda ardıcıl iki zəlzələ baş vermişdir VİDEO
Bakı, 15 mart (AZƏRTAC). Martın 15-də Azərbaycanda bir-birinin ardınca iki zəlzələ olmuşdur.
Azərbaycan Milli Elmlər Akademiyası Respublika Seysmoloji Xidmət Mərkəzindən AZƏRTAC-a bildirmişlər ki, ilk zəlzələ yerli vaxtla saat 04:58-də Qubadan 42 kilometr şimal-şərqdə, Xəzər dənizində qeydə alınmışdır. Yeraltı təkan yaxın yaşayış məntəqələrində 3 bala qədər hiss olunmuşdur.
İkinci zəlzələ isə yerli vaxtla saat 06:20-də Lənkərandan 22 kilometr şimal-qərbdə baş vermişdir. Zəlzələ yaxın yaşayış məntəqələrində 3-4 bal gücündə hiss edilmişdir.
Bölmənin digər xəbərləri
