Azərbaycanda cümə namazı zamanı Xocalı soyqırımı qurbanlarının xatirəsi yad olunacaq
Bakı, 25 fevral, AZƏRTAC
Qafqaz Müsəlmanları İdarəsinin sədri şeyxülislam Allahşükür Paşazadənin göstərişi ilə fevralın 26-da paytaxt Bakıda və respublikamızın bütün bölgələrindəki məscidlərdə cümə namazı zamanı Xocalı soyqırımı qurbanlarının xatirəsi yad olunacaq, onların şəninə Quran oxunacaq, ruhları üçün dualar ediləcək. Bu barədə AZƏRTAC-a idarənin mətbuat xidmətindən məlumat verilib.
Məlumatda bildirilir ki, QMİ sədri bütün Azərbaycan xalqına və şəhidlərimizin ailə üzvlərinə dərin hüznlə başsağlığı verir, Allahdan Vətənimiz uğrunda şəhid olanlara rəhmət diləyir, ərazi bütövlüyümüzün bərpa olunması üçün dualar edir.
Bölmənin digər xəbərləri
