Azərbaycanda gənclərin işsizliklə bağlı problemlərinə aydınlıq gətirilib
Bakı, 13 oktyabr, AZƏRTAC
Əmək və əhalinin sosial müdafiəsi naziri Sahil Babayev Milli Məclisin Əmək və sosial siyasət komitəsində keçirilən “Heydər Əliyev - 100: Müasir Azərbaycan - sosial rifah və sosial ədalət dövləti” mövzusunda elmi-praktik konfransda çıxışı zamanı ölkəmizdə gənclərin işsizlik problemlərinə aydınlıq gətirib.
AZƏRTAC xəbər verir ki, nazir bununla bağlı bildirib: “Gənclər arasında işsizlik daha yüksəkdir və bu, dünyada olan bütün ölkələr üçün xarakterik haldır. Yəni, gənclər arasında işsizlik hər zaman ölkə üzrə ümumi işsizlikdən artıq olur. Bu, tam təbii haldır. Dünyanın hər bir yerində onların iş tapması daha çətindir. Bunun üçün proqramlar olmalıdırmı? Bəli, olmalıdır və biz bir çox proqramlar, layihələr üzərində işləyirik.
Bölmənin digər xəbərləri
