AZƏRBAYCANDA İKİNCİ MİLLİ ROBOTLAR YARIŞI KEÇİRİLMİŞDİR

20.12.2005 [21:51]
Çap et
A⁺ A^-

AZƏRTAC xəbər verir ki, dekabrın 20-də ABU Arena idman kompleksində Böyük Britaniyanın British Council təşkilatı “Robotlar missiyası” layihəsi çərçivəsində ikinci milli robotlar yarışı təşkil etmişdir.

British Council təşkilatının Azərbaycandakı nümayəndəliyinin direktoru Endryu Uilyams çıxış edərək, layihənin məqsəd və məramını açıqlamışdır.

Qeyd olunmuşdur ki, ikinci milli robotlar yarışında “Çağ” Öyrətim İşlətmələri Şirkətinin Bakı, Sumqayıt, Gəncə, Lənkəran, Şəki, Ağdaş, Quba və Əli Bayramlıdakı liseylərinin şagirdlərindən ibarət 8 komanda iştirak edir. Qalib komanda 2006-cı ilin yanvarında Böyük Britaniyada keçiriləcək final yarışına qatılacaqdır.

Təhsil naziri Misir Mərdanov, “Çağ” Öyrətim İşlətmələri Şirkətinin

prezidenti Ənvər Özərən layihənin əhəmiyyətini vurğulamış, onun iştirakçılarına uğurlar arzulamış, təşkilatçılara təşəkkürlərini bildirmişlər.

Sonra komandalar arasında yarışlar keçirilmiş, qaliblər mükafatlandırılmışlar.