Azərbaycanda mövcud elektrik stansiyaları illik emissiyaları 3 milyon tona qədər azaltmağa imkan verir
Bakı, 30 sentyabr, AZƏRTAC
230 meqavat gücündə xarici sərmayə əsaslı ilk Günəş elektrik stansiyasının istifadəyə verilməsi ilə Günəş elektrik enerjisi istehsalı bu ilin 8 ayında 9 dəfədən çox artıb.
AZƏRTAC xəbər verir ki, bunu energetika naziri Pərviz Şahbazov Bakı İqlim Fəaliyyəti Həftəsinin açılış mərasimində çıxışı zamanı deyib.
“İlin sonunadək imzalanmış sənədlərə uyğun olaraq ümumi gücü 340 meqavat olan iki Günəş elektrik stansiyasının tikintisi layihəsi üzrə tədbirlərin davam etdirilməsi, 100 meqavat gücündə olan stansiya üzrə isə üç hərracın nəticələrinin elan edilməsi nəzərdə tutulub. 2 giqavata yaxın 8 günəş və külək, həmçinin azad edilmiş ərazilərdə 270 meqavat gücündə 32 kiçik su elektrik stansiyaları emissiyaları illik 2,9 milyon tona qədər azaltmağa imkan verir”, - deyə nazir qeyd edib.
Bölmənin digər xəbərləri
