Azərbaycanın avrokubok təmsilçiləri yeni həndbolçular transfer edib
Bakı, 14 avqust, AZƏRTAC
Yeni mövsümdə Azərbaycanı avrokuboklarda təmsil edəcək “Kür”ün kişi və qadınlardan ibarət həndbol komandaları yeni oyunçular transfer edib.
AZƏRTAC xəbər verir ki, kişi komandası heyətini Oqnen Lekoviç, Mill Myuskoviç, Emir Muyik (hamısı Monteneqro), Borislav Urta (Serbiya) və Sergey Duboviklə (Ukrayna) gücləndirib.
Qadınlardan ibarət kollektiv isə İvana Mitroviç (Serbiya), Sara Piranik, Tamara Radonyik, Milika Rayçeviç (hamısı Monteneqro) və Leonora Rahmaninin (Şimali Makedoniya) keçidini rəsmiləşdirib.
Həndbolçuların hər biri ilə 1 illik müqavilə imzalanıb.
Qeyd edək ki, kişilərdən ibarət “Kür” komandası son mövsümdə ölkə çempionu, qadınlar isə Azərbaycan Kubokunun qalibi olublar.
Bölmənin digər xəbərləri
