Azərbaycan Dövlət İnformasiya Agentliyi

İQTİSADİYYAT

AZƏRBAYCANIN BANK SEKTORU UĞURLA İNKİŞAF EDİR

18.07.2003 [12:48]
Çap et
A⁺ A^-

Almaniyanın ölkəmizdəki səfiri Klaus Qrevlix iyulun 17-də keçirilən mətbuat konfransında bildirmişdir ki, Azərbaycanın bank sektoru uğurla inkişaf edərək, iqtisadiyyatın müxtəlif sahələrinə kapital qoyuluşları axınına müsbət təsir göstərir.

Səfir demişdir ki, əgər hələ bir əvvəl Azərbaycan bankları təşkilat və müəssisələrə kreditləri çox böyük çətinliklə ayırırdısa, indi 10-15 min avro məbləğində kredit almaq elə bir problem deyildir. Bu isə xarici ölkələrin, o cümlədən də Almaniya sərmayəçilərinin fikrincə, yaxşı göstəricidir.

Klaus Qrevlix Azərbaycanın kredit qabiliyyəti reytinqinin də yüksək olduğunu vurğulayaraq demişdir ki, Avropa Yenidənqurma və İnkişaf Bankı respublikada müxtəlif layihələrin həyata keçirilməsinə 50-200 min avro məbləğində kredit ayrılmasını davam etdirir.