Azərbaycanın Gürcüstandakı səfirliyi Avropadan gələn daha 30 vətəndaşın ölkəmizə qayıtmasını təmin edib
Tbilisi, 16 mart, AZƏRTAC
Azərbaycanın Gürcüstandakı səfirliyi Avropa ölkələrindən Türkiyə və Gürcüstan ərazilərindən keçməklə ölkəmizə qayıtmaq istəyən vətəndaşlarımıza lazımi köməkliyi davam etdirir.
AZƏRTAC xəbər verir ki, martın 15-də Avropadan gələn daha 30 nəfər Azərbaycan vətəndaşı səfirliyin təşkilatçılığı ilə Türkiyə-Gürcüstan “Sarp” sərhəd-keçid məntəqəsindən xüsusi avtobuslarla “Qırmızı körpü” sərhəd-keçid məntəqəsinə gətirilib.
Bildirilib ki, həmin şəxslər xüsusi müayinədən keçiriləcək və zərurət yarandığı halda, 14-28 günlük karantin rejimində saxlanılacaqlar.
Qeyd edək ki, bundan əvvəl də 30 nəfər vətəndaşımız səfirliyin dəstəyi ilə Azərbaycana qayıdıb.
Məlumat üçün bildirək ki, səfirlikdə “qaynar xətt” yaradılıb: +995- 577-06-50-50
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
