AZƏRBAYCANIN KVOTASI ARTIRILA BİLƏR
Xəzərin Su Bioloji Sərvətləri Komissiyası katibliyinin və işçi qrupunun Bakıda keçirilmiş 2-ci iclası baxılmaq üçün komissiyaya veriləcək sənədlərin imzalanması ilə başa çatmışdır. Ekologiya və Təbii Sərvətlər Nazirliyinin mətbuat xidmətindən bildirmişlər ki, iclasda gündəliyə daxil olan əsas məsələlərdən əlavə, nazirliyin Xəzərin Azərbaycan sektorunda ilk dəfə keçirdiyi elmi ekspedisiyanın nəticələri də açıqlanmış, nərə balığı ovuna qoyulmuş kvota məsələsi müzakirə edilmişdir. Azərbaycanın kvotasını 2,4 dəfə artıraraq, 5,3 faizdən 12,85 faizə çatdırmaq qərara alınmışdır. İşçi qrupunun bütün təklifləri Komissiyanın noyabrın ikinci yarısında keçiriləcək iclasında müzakirə olunacaqdır.
Bölmənin digər xəbərləri
