AZƏRBAYCANIN MİLLİ QƏHRƏMANI ƏLİYAR ƏLİYEVİN XATİRƏSİNƏ HƏSR OLUNMUŞ RESPUBLİKA TURNİRİ BAŞA ÇATMIŞDIR
AZƏRTAC xəbər verir ki, Bakı İdman Sarayında Azərbaycanın Milli qəhrəmanı, SSRİ idman ustası, əməkdar məşqçi, mayor Əliyar Əliyevin xatirəsinə həsr olunmuş yunan-Roma güləşi üzrə iki gün davam edən ənənəvi respublika turniri başa çatmışdır.
Gənclər və İdman Nazirliyi, Milli Olimpiya Komitəsi, Azərbaycan Güləş Federasiyası, “Məhsul” Kənd Könüllü İdman Cəmiyyətinin təşkilatçılığı ilə keçirilən xatirə turnirində Bakının 9, respublikamızın 13 digər şəhər və rayonlarının 125 güləşçisi güclərini sınamışlar.
Qaliblərə pul mükafatları, qiymətli hədiyyələr, fəxri fərmanlar təqdim edilmişdir.
Şəhid tabur komandiri Əliyar Əliyev dəfələrlə klassik güləş üzrə respublika, SSRİ çempionu, beynəlxalq turnirlərin qalibi, mötəbər yarışların hakimi, baş hakimi, Qafqazın ən güclü pəhləvanlarından biri olmuşdur. Onun yetirmələri arasında 8 SSRİ və respublika çempionu, 1 Olimpiya yığma komandasının üzvü, 1 dünya çempionu, 10-dan çox idman ustası, beynəlxalq turnirlərin qalibləri vardır.
Bölmənin digər xəbərləri
