Azərbaycanın nəqliyyat-tranzit infrastrukturu Avrasiyada əhəmiyyətini artırır
Bakı, 24 iyun, AZƏRTAC
Azərbaycanın coğrafi mövqeyi, eləcə də formalaşdırdığı müasir nəqliyyat və tranzit infrastrukturu ölkənin Avrasiya məkanındakı strateji əhəmiyyətini getdikcə artırır. Şərq-Qərb beynəlxalq nəqliyyat dəhlizinin əsas qovşağı rolunu oynayan Azərbaycandan sutka ərzində orta hesabla 2 min yük avtomobili keçir.
AZƏRTAC xəbər verir ki, bu sözləri Rusiya Xarici İşlər Nazirliyinin MDB departamentinin Avrasiya inteqrasiya şöbəsinin rəisi İvan Doçenko Bakıda keçirilən “Azərbaycan Avrasiya Logistika Mərkəzi kimi: AİB və Cənubi Qafqazın maraqlarının uzlaşdırılması" mövzusunda beynəlxalq dəyirmi masada deyib.
O bildirib ki, Azərbaycandan Ermənistana yükdaşımaların bərpa olunması təqdirəlayiq haldır. Azərbaycan praqmatik addım ataraq Ermənistana tranzit imkanı yaradıb. Hazırda gömrük prosedurlarının rəqəmsallaşdırılması və sənədlərin elektronlaşdırılması prosesi həyata keçirilir. Azərbaycanın Avrasiya İqtisadi Birliyi ilə qurduğu effektiv əməkdaşlıq platforması iqtisadi artımın sürətlənməsində mühüm rol oynayır.
Azərbaycan, həmçinin Şimal Cənub Beynəlxalq Nəqliyyat Dəhlizinin formalaşmasında da mühüm rol oynayır. Xəzər dənizinin limanlarından istifadə bu dəhlizi daha da aktuallaşdırır.
Bölmənin digər xəbərləri
