AZƏRBAYCANIN QARSDAKI BAŞ KONSULU TÜRKİYƏNİN İĞDIR VİLAYƏTİNİN YENİ VALİSİ İLƏ GÖRÜŞMÜŞDÜR
Görüşdə bildirilmişdir ki, ermənilər işğal etdikləri Azərbaycan torpaqlarını azad etməyincə, Türkiyənin sərhədlərini tanımayınca, qondarma “soyqırımı” təbliğatından vaz keçməyincə qardaş ölkənin Ermənistanla sərhədlərinin açılmasından söz gedə bilməz.
Baş konsul İğdır bələdiyyə başqanı Nurəddin Arasla da görüşmüş, bələdiyyə məclisinin Şamaxı şəhəri ilə İğdırın qardaşlaşması barədə qərarından məmnun olduğunu bildirmişdir. Bununla bağlı bələdiyyə başqanına təşəkkürünü bildirən Həsən Zeynalov Azərbaycan Prezidenti İlham Əliyevin Türkiyə ilə, habelə ölkəmizə yaxın olan İğdır vilayəti ilə əlaqələrə böyük əhəmiyyət verdiyini bildirmişdir. O, Fransa parlamentinin məlum qərarı ilə bağlı Azərbaycan hökumətinin və parlamentinin də etiraz səsini qaldırdıqlarını diqqətə çatdırmışdır.
Nurəddin Aras yaxın zamanlarda Şamaxıya səfər edəcəklərini, rayonun rəhbərləri ilə görüşlər keçirəcəklərini bildirmişdir.
Bölmənin digər xəbərləri
