Azərbaycanın qeyri-neft sektoru üzrə ixrac 1,3 faiz artıb
Bakı, 15 oktyabr, AZƏRTAC
Cari ilin yanvar-sentyabr ayları ərzində Azərbaycanın qeyri-neft sektoru üzrə ixrac həcmi 2023-cü ilin müvafiq dövrü ilə müqayisədə 1,3 faiz artaraq 2,5 milyard dollar təşkil edib.
AZƏRTAC bu barədə İqtisadi İslahatların Təhlili və Kommunikasiya Mərkəzinin “İxrac icmalı”nın oktyabr ayı üçün ilkin rəqəmlərinə istinadən xəbər verir.
İcmala əsasən, yanvar-sentyabr ayları ərzində yeyinti məhsullarının ixracı 13,3 faiz artaraq 698,3 milyon dollara bərabər olub.
Cari ilin ilk 9 ayı ərzində ixrac olunan şəkər və şəkərdən hazırlanan qənnadı məhsulları 83,3 faiz, pambıq lifi 70,9 faiz, bitki mənşəli yağlar və piylər 31,7 faiz, kimya sənayesi məhsulları 20,9 faiz, spirtli və spirtsiz içkilər 11,6 faiz, emal edilən meyvə-tərəvəz məhsulları 14,6 faiz artıb.
Hesabat dövrü ərzində aqrar-sənaye məhsullarının ixracı 60 faiz artaraq 233,4 milyon dollara bərabər olub. Bütövlükdə aqrar və aqrar-sənaye məhsullarının birgə ixracı 17,8 faiz artaraq 755,4 milyon dollar təşkil edib.
Bölmənin digər xəbərləri
