SİYASƏT
Azərbaycanın QH-yə sədrliyi təşkilatın daha da gücləndirilməsinə xidmət edib
Bakı, 2 mart, AZƏRTAC
Azərbaycanın Qoşulmama Hərəkatına sədrliyi təşkilatın inkişafına mühüm töhfələr verib, onun daha da gücləndirilməsinə xidmət edib.
AZƏRTAC xəbər verir ki, bu sözləri Qoşulmama Hərəkatının COVID-19-a qarşı mübarizə üzrə Təmas Qrupunun Zirvə görüşü çərçivəsində ölkəmizdə səfərdə olan Fələstin Dövlətinin xarici işlər naziri Riyad Əl-Maliki Azərbaycan Respublikasının xarici işlər naziri Ceyhun Bayramov ilə görüşü zamanı deyib.
Nazir Riyad Əl-Maliki Azərbaycan ilə Fələstin arasında qarşılıqlı hörmət, həmrəylik və dostluğa əsaslanan münasibətlərin inkişafında qarşılıqlı səfərlərin, habelə siyasi dialoqun əhəmiyyətini vurğulayıb.