Azərbaycanın voleybol hakimi Türkiyə millisinin oyununa təyinat alıb
Bakı, 13 avqust, AZƏRTAC
Azərbaycanın beynəlxalq dərəcəli voleybol hakimi Eldar Zülfüqarov Avropa çempionatının təsnifat mərhələsinə təyinat alıb.
Azərbaycan Voleybol Federasiyasından AZƏRTAC-a verilən məlumata görə, o, A qrupunda yer alan Türkiyə və Danimarka komandalarının bu gün keçiriləcək qarşılaşmasında ikinci hakim funksiyasını yerinə yetirəcək.
Türkiyənin Malatya şəhərində baş tutacaq oyunun birinci hakimi isə yunanıstanlı Vasileios Vasiliadis olacaq.
Bölmənin digər xəbərləri
