AZƏRBAYCANIN YIĞMA FUTBOL KOMANDASI ERMƏNİSTAN FUTBOLÇULARINI MƏĞLUB ETMİŞDİR
AZƏRTAC xəbər verir ki, ölkəmizin 17 yaşlılardan ibarət yığma futbol komandası oktyabrın 28-də Avropa çempionatının İsraildə keçirilən qrup seçmə mərhələsi çərçivəsində Ermənistan milli kollektivi ilə görüşmüşdür. Komandamızın tam üstünlüyü şəraitində keçən görüşdə Şakir Qəribovun yetirmələri rəqibləri üzərində 3:0 hesabı ilə qələbə qazanmışlar. Digər oyunda isə İsrail yığması Rusiya futbolçularını 1:0 hesabı ilə məğlub etmişdir. Beləliklə, qrupda Rusiya yığması ilə eyni – 4 xal toplamasına baxmayaraq, ümumi top fərqinə görə (Rusiya 4-2, Azərbaycan 5-6) yığmamız 3-cü yerlə kifayətlənməli olmuş və növbəti mərhələyə çıxa bilməmişdir.
Bölmənin digər xəbərləri
