Azərbaycanın zədəli güləşçilərinin son durumuna aydınlıq gəlib
Bakı, 11 iyun, AZƏRTAC
“Paris-2024” Yay Olimpiya Oyunlarına hazırlığı davam etdirən Azərbaycanın zədəli güləşçilərinin son durumuna aydınlıq gəlib.
Azərbaycan Güləş Federasiyasından AZƏRTAC-a verilən məlumata görə, zədəli idmançıların bərpa prosesi davam edir.
Sərbəst güləş üzrə yığmanın heyətində yalnız Əliabbas Rzazadə zədəlidir. Ötən həftə Macarıstanda təşkil olunmuş reytinq turnirində zədələnən idmançı sabah tibbi müayinədən keçəcək. Ə.Rzazadənin sol çiynindəki zədənin bərpa prosesi 10-15 gün çəkəcək. Onun müalicə ilə paralel olaraq fərdi məşqlərdə iştirakı gözlənilir.
Budapeştdəki yarışı zədə üzündən tamamlaya bilməyən Sənan Süleymanovla Ülvü Qənizadənin vəziyyəti də normaldır. Xroniki boyun zədəsinə görə ağrılar hiss edən S.Süleymanov Almaniyada qısamüddətli müayinədən keçdikdən sonra Vətənə qayıdaraq Göygöl toplanışına qoşulacaq. Ü.Qənizadə ilə yanaşı, reytinq turnirində müəyyən zədələrə görə iştirak edə bilməyən Nihat Məmmədli, Rafiq Hüseynov və Sabah Şəriəti də iyunun 14-dən 26-dək Qərb bölgəsində baş tutacaq hazırlıq prosesində yer alacaq.
Bölmənin digər xəbərləri
