AZƏRBAYCANLI GƏNCLƏR KOREYA RESPUBLİKASINA SƏFƏR EDƏCƏKLƏR
Gənclər və İdman Nazirliyinin mətbuat xidmətindən AZƏRTAC-a bildirmişlər ki, müxtəlif ali məktəblərdə təhsil alan 9 nəfər azərbaycanlı gənc iyulun 1-dən 13-dək Koreya Respublikasında səfər də olacaqdır.
Tanışlıq xarakteri daşıyan bu səfərdə azərbaycanlı gənclər Koreyanın bir sıra muzeylərinə, sərgi salonlarına baş çəkəcək, bu ölkənin mədəniyyəti ilə yaxından tanış olacaqlar.
Səfər Azərbaycan Prezidentinin müvafiq Sərəncamı ilə təsdiq edilmiş “Azərbaycan Respublikasının Gənclər və İdman Nazirliyi və Koreya Respublikasının Milli Gənclər Komissiyası arasında gənclər sahəsində əməkdaşlıq haqqında Anlaşma Memorandumu”na əsasən həyata keçirilir.
Avqustda bir qrup koreyalı gəncin də Azərbaycana səfəri gözlənilir.
Bölmənin digər xəbərləri
