Azərbaycanlı musiqiçinin ifası fransız tamaşaçılarını valeh etmişdir
Paris, 18 may (AZƏRTAC). Azərbaycanın tanınmış pianoçusu Murad Hüseynov Fransanın Aşağı Normandiya regionunun Remalar meriyasında və Lö Pən-La-Qaren kommunasında maraqlı konsert proqramı ilə çıxış etmişdir.
Azərbaycanın Fransadakı səfirliyinin təşkilatçılığı və dəstəyi ilə keçirilən bu konsertlər zamanı yerli ictimaiyyətin nümayəndələrinə milli mədəniyyətimiz haqqında geniş məlumat verilmişdir.
Konsertdə Murad Hüseynov Avropa bəstəkarları ilə yanaşı, Azərbaycan bəstəkarlarından Qara Qarayevin, Adil Bəbirovun və Tofiq Quliyevin əsərlərini ifa etmişdir.
Azərbaycanlı pianoçunun ifası fransız tamaşaçıları heyrətə salmışdır. Sürəkli alqış sədaları onu dəfələrlə səhnəyə çıxmağa məcbur etmişdir.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
