“AZƏRBAYCAN.PAYIZ.2006.” LAYİHƏSİ TƏQDİM OLUNMUŞDUR
AZƏRTAC xəbər verir ki, bu münasibətlə keçirilən mətbuat konfransında “Azman” şirkətinin kommersiya direktoru Fəxri Mustafayev dörd il ərzində əməkdaşlıq etdikləri “SONY” şirkətinin məhsulları, sərgidə nümayiş olunacaq avadanlıq və keçiriləcək seminarlar barədə məlumat vermişdir.
“SONY” şirkətinin MDB ölkələrində satış və marketinq üzrə meneceri İqor Orlov, şirkətin Moskva ofisinin baş mütəxəssisi Andrey Kosov və başqaları kütləvi informasiya vasitələri nümayəndələrinin çoxsaylı suallarını cavablandırmışlar. Bildirilmişdir ki, “SONY”-nin peşəkar yayım avadanlığı sahəsində qazandığı son nailiyyətlərə həsr edilən ikigünlük sərgi və seminarlardan əsas məqsəd yerli istehlakçıları və peşəkarları bu sahədə tətbiq olunan müasir texnologiyalar və onların üstünlükləri ilə daha yaxından tanış etməkdir. Sərginin ikinci günündə “Peşəkar videoyazı formatının qayəsi, onun üstünlükləri və qüsurları”, “Video və audio materialların arxivləşdirilməsi üçün yeni texnologiyalar” mövzularında seminarların keçiriləcəyi diqqətə çatdırılmışdır.
Bölmənin digər xəbərləri
