“AZERCELL” YENİ ROUMİNQ ƏLAQƏLƏRİ QURMUŞDUR
“Azercell Telekom” Birgə Müəssisəsi daha 2 ölkənin – Paraqvayın “CTİ Movil” və Madaqaskarın “Madacom (Celtel)” operatorları ilə rouminq müqaviləsi bağlamışdır.
Müəssisədən AZƏRTAC-a bildirmişlər ki, bundan sonra Paraqvayda və Madaqaskarda istirahət edən və işgüzar səfərdə olan “Azercell” abonenti öz nömrəsi ilə rahat zəng qəbul edə və istədiyi yerə zəng vura biləcəkdir.
Qeyd edək ki, bu günə qədər “Azercell Telekom” BM 128 ölkənin mobil rabitə operatoru ilə 279 rouminq sazişi bağlamışdır.
Bölmənin digər xəbərləri
