“AZƏRDƏMİRYOLBANK”IN SƏHMDARLARI AYİB-İN 5 MİLYONLUQ KREDİTİNDƏN İSTİFADƏNİ TƏSDİQ ETMİŞLƏR
Səhmdarlar AYİB-in birgə maliyyələşdirmə çərçivəsində 6 milyon dollarlıq yeni kredit xəttini də təsdiq etmişlər.
“AzərDəmiryolBank”ın AYİB-in birgə maliyyələşdirmə proqramına qoşulması bu ilin sentyabr-oktyabrında müdirlər şurasında təsdiq olunmalıdır. Layihədə bərabər əsaslarla risklərə və maraqlara bölünməklə iri layihələrin maliyyələşdirilməsi nəzərdə tutulmuşdur.
Bankın bu beynəlxalq maliyyə təsisatından indiyədək cəlb etdiyi resusrsların məbləği 12,5 milyona çatmışdır ki, bunun da 9,5 milyon dolları mikro, kiçik və orta müəssisələrin dəstəklənməsinə, 3 milyon dolları isə ticarətin maliyyələşdirilməsi proqramı çərçivəsində istifadə olunmuşdur. Bundan əlavə, AYİB “AzərDəmiryolBank”a texniki yardım göstərir.
Azərbaycan bankı ilə AYİB arasında əməkdaşlıq 1997-ci ildən başlanmışdır.
Bölmənin digər xəbərləri
