“Azəriqaz”da Gənclər Gününə həsr olunan stolüstü oyunlar üzrə yarışların qalibləri mükafatlandırılıb
Bakı, 4 fevral, AZƏRTAC
“Azəriqaz” İstehsalat Birliyində (İB) Gənclər Gününə həsr olunan stolüstü oyunlar (şahmat, nərd, dama) üzrə yarışların qaliblərinin mükafatlandırılması üçün tədbir keçirilib.
İB-dən AZƏRTAC-a bildirilib ki, “Azəriqaz”ın Həmkarlar İttifaqı Komitəsinin sədri Ədalət Qurbanov belə yarışların əməkdaşların idman bacarıqlarının üzə çıxarılması və dəstəklənməsinə xidmət etdiyini deyib.
Yarışlara fevralın 2-də start verilib və 36 iştirakçının mübarizə apardığı yarış (12 nəfər nərd, 12 nəfər şahmat, 12 nəfər dama) Olimpiya sistemi üzrə keçirilib. Sonda yarışların qaliblərinə fəxri fərmanlar təqdim olunub.
Bölmənin digər xəbərləri
