“AZƏRREYL” KOMANDASI XORVATİYAYA YOLA DÜŞMÜŞDÜR

01.11.2005 [19:28]
Çap et
A⁺ A^-

AZƏRTAC xəbər verir ki, noyabrın 3-də Avropanın qadın voleybol klubları arasında çempionlar liqasının qrup oyunları çərçivəsində III turun görüşləri keçiriləcəkdir.

“Azərreyl” komandası Xorvatiyanın paytaxtı Zaqrebdə yerli “Mladost” klubunun qonağı olacaqdır. Qadın voleybolçularımız noyabrın 1-də bu ölkəyə yola düşmüşlər. “Azərreyl”in və yığmamızın baş məşqçisi, hazırda Moskvada ayağından müalicə olunan Faiq Qarayev bu dəfə komandanı oyuna özü çıxaracaqdır. Ötən turda İtaliyanın “Pallavola Sirio” klubunu qəbul edən “Azərreyl” görüşə köməkçi məşqçi Aleksandr Çelyakovun rəhbərliyi ilə çıxmışdı.

Hazırda turnir cədvəlində “Vakifbank”ın (Türkiyə) 4, “Tenerife” (İspaniya), “Kalisiya” (Polşa) və “Azərreyl”in 3, “Mladost”un 2 xalı var.