“Azərreyl”in voleybolçusu: Hədəfimiz Avropa çempionu olmaqdır
Bakı, 20 iyul, AZƏRTAC
"Yarış bizim üçün möhtəşəm alındı".
Bu sözləri AZƏRTAC-a açıqlamasında qadınlar arasında çimərlik voleybolu üzrə Azərbaycan çempionu olan "Azərreyl-1" komandasının üzvü Larisa Smeltsova deyib.
O, yarışın çətin keçdiyini bildirib: "Reqlamentə əsasən, turnirdə legioner voleybolçular da çıxış edirdilər. Bizim üçün yenilik oldu. Hər kəs birinci olmaq üçün çalışırdı. Layiq olan tərəf qızıl medallara sahib çıxdı".
L. Smeltsova bu ilin oktyabr ayında qatılacaqları Avropa çempionatında uğurlu nəticə qazanmağı hədəflədiklərini söyləyib: "Ötən il bu yarışda iştirak etmişdik. Təəssüf ki, finala qədər irəliləyə bilmədik. Lakin builki hədəf həmin turnirin qalibi olmaqdır".
Qeyd edək ki, "Azərreyl-1"in həm kişi, həm də qadın komandası ölkə çempionatının qalibi olub.
Bölmənin digər xəbərləri
