AZƏRTAC-ın “Şuşanın bazarları” məqaləsi Əlcəzair portalında yerləşdirilib
Qahirə, 3 iyun, AZƏRTAC
Beynəlxalq İpək Yolu Şəbəkəsinin Əlcəzairdə fəaliyyət göstərən “Əl-Hərir” informasiya portalında AZƏRTAC-ın “Şuşanın bazarları” adlı məqaləsi yayımlanıb.
Məqalədə qeyd olunur ki, İrandan Avropaya, Avropadan isə əks istiqamətdə karvan və ticarət yolları Şuşadan keçdiyi üçün burada bir neçə növ bazar formalaşıb. Burada yerləşən qədim ticarət mərkəzində xalça, ayaqqabı, müxtəlif peşələrə aid bazarlar olub. Şəhərin hər bir məhəlləsində də kiçik bazarlar fəaliyyət göstərirdi və onlara “bazarçı”, yəni “kiçik bazar” deyilirdi.
Məqalədə ərəbdilli oxuculara Qarabağın tarixi, eləcə də qədim diyarın etnoqrafiyası barədə 20-dən çox kitabın müəllifi, tədqiqatçı-jurnalist Vasif Quliyevə istinadla Şuşanın qədim bazarları haqqında müfəssəl məlumat verilir.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
