BADMİNTON ÜZRƏ BAKI ÇEMPİONATININ FİNALÇILARI MƏLUM OLMUŞDUR
Bakı, 27 yanvar (AZƏRTAC). Bakı Slavyan Universitetinin idman zalında keçirilən badminton üzrə qadınlar və kişilər arasında Bakı çempionatının finalçıları məlum olmuşdur.
Qadınların şəxsi yarışında Nərgiz Mehdiyeva və Alla Vlasyuk finala vəsiqə qazanmışlar. Qoşa qadınların yarışlarda Nərgiz Mehdiyeva-Alla Vlasyuk cütlüyü Günay Hüseynova-Pərvin Əlizadəyə qarşı mübarızə aparacaqlar. Qarışıq qoşa görüşlərdə isə Alla Vlasyuk-Mirzə Orucov və Nərgiz Mehdiyeva-Ceyhun Məmmədəliyev ilə final oyunlarında görüşəcəklər.
Kişilərin yarışında Orxan Qələndərov və Kərim Musayev final mərhələsində çıxış etmək üçün vəsiqə qazanmışlar. Qoşa yarışlarda isə finalda Cavanşir Əlizadə-Kənan Rzayev cütlüyü Orxan Qələndərov və Tural Nəsirovla görüşəcəklər.
Çempionatın final mərhələsi yanvarın 28-də keçiriləcəkdir.
Bölmənin digər xəbərləri
