BAĞDADDA TERROR NƏTİCƏSİNDƏ 69 NƏFƏR HƏLAK OLMUŞDUR
AZƏRTAC-ın İTAR-TASS agentliyindən aldığı xəbərə görə, Bağdadda növbəti terror nəticəsində 69 nəfər həlak olmuşdur. Naməlum terrorçular iyulun 1-də səhər İraq paytaxtının şiələr yaşayan məhəllələrindən birində içərisində partlayıcı maddələr olan avtomobili partlatmışlar. Zərərçəkənlər arasında həm polislər, həm də dinc sakinlər var. 80-dək adam yaralanmışdır.
Partlayış nəticəsində 20-dək mağaza və ərzaq dükanı, 14 avtomobil yanmışdır.
Elə həmin gün terrorçular İraq parlamentinin deputatı xanım Taysir Nəcəh əl-Məşhədanini 7 mühafizəçisi ilə birlikdə oğurlamışlar. Məşhədani sünnilərin Milli Həmrəylik Cəbhəsinin parlamentdəki fraksiyasına daxildir.
Bölmənin digər xəbərləri
