Bakı Ali Neft Məktəbi “TEKNOFEST”də 80-ə yaxın tələbə ilə təmsil olunur
İstanbul, 19 sentyabr, Günel Karatepe, AZƏRTAC
Bakı Ali Neft Məktəbi (BANM) olaraq artıq bir neçə ildir ard-arda “TEKNOFEST”də iştirak edirik. Hər dəfə də uğurlarla Vətənə qayıdırıq. Uğurlarımızın bu il də təkrarlanacağına ümidvarıq.
Bu fikirləri AZƏRTAC-a açıqlamasında BANM-in İnnovasiya və Tədqiqatlar Mərkəzinin rəhbəri Emiliya Əhmədova bildirib.
“Bizdə olan məlumata görə, builki “TEKNOFEST”də Azərbaycandan təxminən 43 komanda iştirak edir. Onlardan 30-u BANM-in komandalarıdır. Biz festivalda 80-ə yaxın tələbəmizlə on kateqoriya üzrə çıxış edirik. Ümumiyyətlə Bakı Ali Neft Məktəbi bu il burada fərqli maraqlı layihələrlə təmsil olunur və layihələrimizin uğur qazanacağına ümid edirik”, - deyə o əlavə edib.
Bölmənin digər xəbərləri
