Bakıda AQEM ölkələrində dairəvi yaşıl turizmə həsr olunmuş beynəlxalq konfrans işə başlayıb

23.06.2026 [10:17]
Çap et
A⁺ A^-

Bakı, 23 iyun, AZƏRTAC

Bakıda Dövlət Turizm Agentliyi və Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Katibliyinin birgə təşkilatçılığı ilə “AQEM ölkələrində dairəvi yaşıl turizm” (“Circular Green Tourism in the CICA Countries”) mövzusunda beynəlxalq konfrans keçirilir.

AZƏRTAC xəbər verir ki, konfransda AQEM Katibliyi ilə yanaşı, Türkiyə, Qazaxıstan, Qırğızıstan, Tacikistan, Rusiya, Monqolustan, Hindistan, Kamboca, Şri-Lanka, Tailand, Vyetnam, İraq, İran, Misir, İordaniya, İsrail, Fələstin daxil olmaqla üzv dövlətlərin nümayəndə heyətləri iştirak edirlər.

Konfrans çərçivəsində keçiriləcək müzakirələrdə turizm kəndlərinin yaradılması, yerli təşəbbüslərə dəstək mexanizmləri, qrant proqramları, təlim fəaliyyətləri və təbiət əsaslı turizm məhsullarına investisiyalar vasitəsilə yerli icmalar üçün yeni imkanların formalaşdırılması məsələləri müzakirə olunacaq.

_{Müxbir - Gülay Nəzərova}

_{Fotomüxbir - Aydın Məmmədov}