BAKIDA BOKS ÜZRƏ BEYNƏLXALQ TURNİR KEÇİRİLƏCƏK
Bakı, 14 aprel (AZƏRTAC). Azərbaycan Texniki Universitetinin idman kompleksində 15-16 yaşlı yeniyetmələr arasında boks üzrə ölkə birinciliyi başa çatmışdır.
Yarışlarda 50-dən çox komandanın tərkibində 237 idmançı iştirak etmişdir.
Birinci yerə “Neftçi” komandası çıxmışdır. İkinci yeri “Rabitəçi”, üçüncü yeri isə “Lənkəran” komandaları tutmuşlar.
Turnirin qalibləri mayın 1-6-da Bakı İdman Sarayında ümummilli lider Heydər Əliyevin doğum gününə həsr edilmiş beynəlxalq turnirdə iştirak edəcəklər.
Bölmənin digər xəbərləri
