BAKIDA STOLÜSTÜ TENNİS ÜZRƏ BEYNƏLXALQ TURNİR BAŞA ÇATMIŞDIR
AZƏRTAC xəbər verir ki, Bakı Olimpiya İdman Kompleksində 1994-cü il təvəllüdlü və daha az yaşlı yeniyetmələr arasında stolüstü tennis üzrə beynəlxalq turnir başa çatmışdır. Əməkdar məşqçi, SSRİ çempionu Mais Şeydabəyovun xatirəsinə həsr olunmuş yarışda Azərbaycan idmançıları ilə yanaşı, Gürcüstan, İran, Rusiya Federasiyasının Kalmıkiya, Volqoqrad və Dağıstan vilayətlərindən ümumilikdə 50-dən çox tennisçi mübarizə aparır.
Oğlanların yarışında Kalmıkiya Respublikasından Bair Basanqov birinci yeri tutmuşdur. Gürcüstan idmançısı Beka Tabaqua gümüş, Azərbaycan tennisçisi Rüstəm Əliyev isə bürünc medal qazanmışdır.
Qızların mübarizəsində isə Volqoqrad tennis məktəbinin yetirməsi Mariya Koloskova fəxri kürsünün ən yüksək pilləsinə qalxmışdır. Azərbaycan tennisçisi Səbinə Əhmədova ikinci, Kseniya Kotelnikova (Volqoqrad) isə üçüncü olmuşdur.
Bölmənin digər xəbərləri
