Bakının bəzi küçələrində parklanma ilə bağlı dəyişikliklər tətbiq edilib
Bakı, 11 oktyabr, AZƏRTAC
Azərbaycan Yerüstü Nəqliyyat Agentliyi (AYNA) tərəfindən İsmayıl bəy Qutqaşınlı küçəsində 29 yerlik parklanma məntəqəsinin təşkili üçün nişanlanma işləri görülüb.
AYNA-dan AZƏRTAC-a bildirilib ki, parklanma ilə bağlı Sabit Rəhman və Alı Mustafayev küçələrində də tədbirlər görülüb.
“Burada mövcud parklanma məntəqələrində 3 ədəd məlumat lövhəsi, yol nişanı quraşdırılıb. Bəzi yollarda isə qanunsuz parklanmanın qarşısı alınıb. Belə ki, Məmməd Namazov, Kamal Rəhimov, Xəqan Dadaşov küçələri və Bilgəh-Pirallahı şosesində (Amburan Mall) 9 ədəd “Dayanma və durma qadağandır” yol nişanı quraşdırılıb”, - deyə AYNA-nın məlumatında bildirilir.
Bölmənin digər xəbərləri
