BALAKƏNDƏ ÜMUMİ MƏHSUL İSTEHSALI 42,9 FAİZ ARTMIŞDIR
Balakən Rayon İcra Hakimiyyətindən AZƏRTAC-ın müxbirinə bildirmişlər ki, 2006-cı ilin birinci yarısında rayonda ümumi məhsul istehsalı keçən ilin müvafiq dövrünə nisbətən 42,9 faiz artaraq 18 milyon 675 min manat (AZN) olmuşdur. Ümumi məhsul istehsalında kənd təsərrüfatının xüsusi çəkisi 75,1 faiz və ya 14 milyon 21 min manat, sənayenin xüsusi çəkisi 3,3 faiz və ya 621 min manat, tikintinin xüsusi çəkisi isə 9,8 faiz və ya 1 milyon 824 min manat təşkil etmişdir.
Bu müddətdə əhaliyə göstərilən pullu xidmətlərin həcmi əvvəlki illə müqayisədə 33,9 faiz artaraq 2,2 milyon manata çatmışdır. Pərakəndə əmtəə dövriyyəsinin həcmi isə 14,2 faiz artaraq 15 milyon 986 min manat olmuşdur.
Bölmənin digər xəbərləri
