Balakənli sahibkar sosial xidmət sahəsində çalışan 250 işçiyə tibbi ləvazimatlar paylayıb
Balakən, 3 aprel, Mustafa Dadaşov, AZƏRTAC
Balakən rayonunda fəaliyyət göstərən özəl sahibkarlıq müəssisəsi olan “UĞUR” Tibb Mərkəzi koronavirus infeksiyasının əhali arasında yayılmasının qarşısının alınması məqsədilə sosial layihə həyata keçirib. Aksiya çərçivəsində müəssisə tərəfindən Balakən Kommunal Müəssisələri Kombinatı, Mənzil İstismar Müəssisəsi və Yaşıllıq Təsərrüfatı Sahəsi MMC-lərdə çalışan 250 işçiyə tibbi spirt, qoruyucu maska, əlcək, yod, sabun, pambıq və digər gigiyenik vasitələr paylanılıb.
Bu barədə AZƏRTAC-ın bölgə müxbirinə Balakən Rayon İcra Hakimiyyəti Aparatının şöbə müdirinin müavini Turan Dibirov məlumat verib.
Qurum rəsmisinin sözlərinə görə, “UĞUR” Tibb Mərkəzi tərəfindən yaşlı və imkansız vətəndaşlara tibbi xidmət zamanı, eyni zamanda, 50 faiz endirim də tətbiq olunur.
Bölmənin digər xəbərləri
