Baş hakim qərar vermək üçün 8 dəqiqə videotəkrarı izləyib
Bakı, 22 yanvar, AZƏRTAC
Meksikada futbol üzrə ölkə çempionatında “Qvadalaxara” və “Toluka” komandaları arasında keçirilən oyunda qeyri-adi hadisə baş verib.
AZƏRTAC xarici KİV-lərə istinadla xəbər verir ki, oyunun hakimi 80-ci dəqiqədə qonaq komandanın futbolçusunun zərbəsindən sonra topun qapı xəttindən içəri daxil olub-olmadığını müəyyənləşdirmək üçün VAR sisteminə müraciət etməli olub. VAR sistemindən istifadə edən baş hakim doğru qərar vermək üçün epizodun videotəkrarına 8 dəqiqə baxdıqdan sonra qolu qeydə almayıb. Qarşılaşma “Qvadalaxara”nın 1:0 hesablı qələbəsi ilə başa çatıb.
Qeyd edək ki, Meksika çempionatında VAR sistemi ötən ilin oktyabrından tətbiq edilir.
Bölmənin digər xəbərləri
