Bakı, 2 oktyabr, AZƏRTAC

Azərbaycanda ölkə rəhbərliyi tərəfindən milli idman növlərinə böyük diqqət göstərilir. Bu gün onun bariz nümunəsidir ki, türkdilli xalqların güləş növlərindən biri olan kəmər güləşi üzrə üçüncü Avropa çempionatı məhz Bakıda keçirilir.

AZƏRTAC xəbər verir ki, bu sözləri Azərbaycan Milli İdman Növləri Assosiasiyasının baş katibi Seymur Qurbanov Bakıda keçirilən kəmər güləşi üzrə üçüncü Avropa çempionatı barədə danışarkən deyib.

O, Azərbaycanın Avropa çempionatında 42 idmançı ilə təmsil olunduğunu bildirib: “Yarışdan öncə Gənclər və İdman Nazirliyinin təşəbbüsü ilə komandamız təlim-məşq toplanışı keçib. Millimiz yarışa tam hazırdır. Bütün iştirakçılara uğurlar arzu edirəm”.