Baş nazir: İlin sonunadək Gürcüstan iqtisadiyyatı ilk dəfə 100 milyard lari böyüyəcək

01.12.2025 [15:50]
Çap et
A⁺ A^-

Tbilisi, 1 dekabr, AZƏRTAC

Gürcüstan iqtisadiyyatı cari ilin sonuna qədər tarixdə ilk dəfə olaraq 100 milyard lari böyüyəcək, ÜDM-in adambaşına düşən nominal dəyəri isə 10 min dolları keçəcək. Biz artım tendensiyalarının dayanmaması və yüksək iqtisadi artım tempini saxlamaq üçün hər şeyi edəcəyik.

AZƏRTAC xəbər verir ki, bu barədə Gürcüstanın Baş naziri İrakli Kobaxidze hökumətin bugünkü iclasında bildirib.

“Yanvar-oktyabr aylarında iqtisadi artım 7,6 faiz təşkil edib, ona görə də biz çox güman ki, ilin sonuna Beynəlxalq Valyuta Fondunun proqnozunu (7,2 faiz) üstələyəcəyik”, - deyə hökumət başçısı vurğulayıb.

Xətayi Əzizov

AZƏRTAC-ın xüsusi müxbiri

Tbilisi