Baş nazir: Ukrayna bu il ərzində koronavirusa qalib gələcək
Kiyev, 4 fevral, AZƏRTAC
Ukraynada karantin müddəti minimum aprelin 30-na kimi uzadılacaq, ancaq bu, son müddət olmaya bilər.
AZƏRTAC xəbər verir ki, bu barədə Ukraynanın Baş naziri Denis Şmıqal yerli KİV nümayəndələrinə müsahibəsində deyib.
"Karantin müddəti bu və ya digər şəkildə bir neçə dəfə uzadıla bilər. Koronavirusla mübarizə mərhələsindəyik", - deyə Baş nazir əlavə edib.
Denis Şmıqalın sözlərinə görə, hökumət Ukraynanın bu il ərzində koronavirusa ümumilikdə qalib gələcəyini proqnozlaşdırır.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
