BDU əməkdaşlarının yeni dərs vəsaiti nəşr olunub
Bakı, 8 iyul, AZƏRTAC
Bakı Dövlət Universitetinin (BDU) İnformasiya və sənəd menecmenti fakültəsinin Kitabxana-informasiya resurslarının idarə edilməsi kafedrasının dosenti Rəşad Qardaşov və həmin kafedranın saathesabı qaydada müəllimi Aysel Həsənovanın həmmüəllifi olduqları dərs vəsaiti nəşr edilib.
AZƏRTAC xəbər verir ki, “Kitabxana kataloqları” adlı kitabın ixtisas redaktoru dosent Sevda Xələfova, rəyçiləri professor Xəlil İsmayılov, dosent Solmaz Sadıqova, tarix üzrə fəlsəfə doktoru Oruc Quliyev və texnika üzrə fəlsəfə doktoru Elçin Məmmədovdur.
Dərs vəsaitində kitabxana kataloqlarının növləri və onların tərtibi metodikası, kataloqlaşdırma işində biblioqrafik təsvirin yeri, kataloqlaşdırmaya dair dünya standartları kimi məsələlər öz əksini tapıb.
Bu nəşr kitabxanaçılıq və informasiya fəaliyyəti ixtisası üzrə təhsil tələbələr, gənc tədqiqatçılar və sahə mütəxəssisləri üçün nəzərdə tutulub.
Bölmənin digər xəbərləri
