Bəhreynlə Azərbaycan arasında iqtisadi əməkdaşlığın perspektivləri müzakirə edilib
Qahirə, 23 mart, AZƏRTAC
Azərbaycan Respublikasının Bəhreyn Krallığındakı səfiri Şahin Abdullayevin (iqamətgahı Ər-Riyad şəhəri) paytaxt Manamada bu ölkənin sənaye, ticarət və turizm naziri Zayed bin Rəşid Əl Zəyani ilə görüşüb.
AZƏRTAC xəbər verir ki, görüşdə Bəhreynlə ölkəmiz arasında iqtisadi, ticari və turizm sahələrində əməkdaşlığın perspektivləri müzakirə olunub. Tərəflər vurğulayıblar ki, iki dost ölkə əlaqələrin daha da inkişafında maraqlıdır. Səfir Ş.Abdullayev ölkəmizin iqtisadi inkişafı, həyata keçirilən transmilli enerji və nəqliyyat layihələri barədə ətraflı məlumat verib.
Bəhreyndə əcnəbi sərmayəçilər üçün münbit şəraitin olduğunu diqqətə çatdıran Əl Zəyani qeyd edib ki, onun ölkəsi investorların maraqlarını ən yüksək səviyyədə qoruyur. O əlavə edib ki, Azərbaycanın uyğun hökumət strukturları ilə birgə layihələr də həyata keçirilə bilər.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
